有個阿媽帶住個18歲嘅女過嚟睇脊柱側彎。前提係佢已經呢幾年帶個女睇過兩個骨科醫生，兩個物理治療師，照過好多年嘅X光，都話個脊柱側彎冇變化。
佢嗰脊柱側彎屬於Mild Severity。即係咩都唔使搞=conservative treatment。唔使着矯形背心，唔使做矯形手術，唔會影響佢日常生活。身體冇乜特別大問題，唔會影響呼吸、心肺功能，但係久唔久少少背脊痛就梗有架啦。
呢個阿媽帶佢過嚟睇，係想要脊醫轉介信。佢話唔會放棄幫啊女搵治療方法。我好坦白同佢講，你其實骨科/物理治療都已經睇過，睇脊醫都冇乜特別大幫助。講真，佢已經18歲，女仔發育都差唔多完。佢咁多年都穩定其實就同嗰脊柱側彎共存架啦。同埋做咩講到個女好似絕症咁，其實真係好少事。唔係你話要搵盡辦法幫個女，就等於仲有治療方法。有時你都要接受現實。重要問題係都唔係咩特別野。佢係輕微到你喺後面望落去都唔會覺佢背脊係彎左嗰隻喎。可唔可以唔好咁癲呀？
我想勸佢唔好浪費佢同個女嘅錢同時間，當然阿媽係唔會理我。老毛病，我又唔記得咗我只係收Order做嘢。跟住阿媽同我講咗好多野去「勸」我開張轉介信，例如話係阿媽都想個女好等等，總之講到佢好偉大係世界上最好嘅啊媽。佢嘅Expectations我改變唔到。BTW，全程啊女冇出聲。
一個月之後啊媽同啊女返嚟，話要睇個第二個脊醫，因為之前嗰個話幫唔到佢。
唔知呢個Doctor Shopping （嚴格來講係 allied health shopping）要幾耐先停止？
(我貼出嚟嗰張相先至叫做勁啲嘅脊柱側彎。應該係三張唔同病人嘅X光。右邊個張係做咗矯形手術。
image reference from: http://www.medicalnewstoday.com/articles/190940.php)
Search